4 мая, Мінск /Кар. БЕЛТА/. Галасаванне на пазачарговых парламенцкіх выбарах пачалося сёння ў іспанскай аўтаномнай супольнасці Мадрыд, паведамляе ТАСС.
Выбарчыя ўчасткі адкрыліся ў 09.00 па мясцовым часе і будуць працаваць да 20.00, пасля чаго пачнецца падлік галасоў. Адзначаецца, што звыш 211 тыс. чалавек прагаласавалі па пошце.
Галасаванне пройдзе ў 179 муніцыпалітэтах рэгіёна. Галоўны прэтэндэнт на перамогу - кансерватыўная Народная партыя (НП), ад якой кандыдатам на пасаду кіраўніка ўрада з'яўляецца Ісабель Дыяс Аюса, якая ўзначальвае рэгіён на гэты момант.
10 сакавіка Ісабель Дыяс Аюса аб'явіла аб скліканні датэрміновага галасавання ў рэгіёне. Кааліцыйны ўрад Мадрыда быў сфарміраваны з прадстаўнікоў НП і цэнтрысцкай партыі "Грамадзяне".-0-