ДЗЯРЖОРГАНЫДЗЯРЖОРГАНЫ
Флаг Чацвер, 29 ліпеня 2021
Мінск Пераменная воблачнасць +26°C
Усе навіны
Усе навіны
У свеце
01 чэрвеня 2021, 13:00

У Літве значна вырастуць цэны на газ і электраэнергію для насельніцтва

Фота з архіва
Фота з архіва

1 чэрвеня, Мінск /Кар. БЕЛТА/. З ліпеня ў Літве для большасці спажыўцоў вырастуць цэны на газ і электраэнергію, паведамляе Delfi са спасылкай на Дзяржаўны савет па рэгуляванні энергетыкі.

Так, газ для дамашніх гаспадарак з ліпеня падаражэе на 26-50 працэнтаў. Разбежка абумоўлена колькасцю спажывання. Напрыклад, для дамашніх гаспадарак, якія выкарыстоўваюць газ для ацяплення, цана вырасце значна больш, чым для тых, хто выкарыстоўвае газ толькі для гатавання ежы. Кошт электраэнергіі для насельніцтва ў ліпені ў сярэднім вырасце на 8,4 працэнта.

Як паведаміў дзяржэнергахолдынг Ignitis, электраэнергія даражэе з-за росту цэн на біржы. "Найбольшы ўплыў на змяненне цэн на электраэнергію аказала павышэнне больш як на 18,77 працэнта цаны на закупку электраэнергіі на біржы Nord Pool, а таксама рост цэн па ф'ючарсных здзелках, што ўлічыў Дзяржаўны савет па рэгуляванні энергетыкі пры ўстанаўленні рыначнай цаны на другое паўгоддзе", - паведаміў Ignitis.

Падаражэнне газу таксама звязана са змяненнем цэн на блакітнае паліва на еўрапейскіх біржах, а таксама ростам спажывання газу ў эканоміцы ў сувязі са скарачэннем наступстваў пандэміі COVID-19, халоднай зімой і выкарыстаннем газу з еўрапейскіх газасховішчаў, растлумачылі ў холдынгу Ignitis.

Павышэнне цэн на электрычнасць і газ для насельніцтва Літвы пракаменціравала прэм'ер-міністр краіны Інгрыда Шыманітэ. Яна заявіла, што ўрад у працэс устаноўкі цэн не ўмешваецца. "У сам працэс устаноўкі цэн урад не ўмешваецца, быў створаны незалежны рэгулятар, каб гэтага не было", - заўважыў прэм'ер.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі