ДЗЯРЖОРГАНЫДЗЯРЖОРГАНЫ
Флаг Аўторак, 30 лістапада 2021
Мінск -3°C
Усе навіны
Усе навіны
У свеце
01 кастрычніка 2021, 13:08

У Літве зафіксавана самая высокая захваральнасць на COVID-19 сярод краін ЕС

Фота DELFI
Фота DELFI

1 кастрычніка, Мінск /Кар. БЕЛТА/. Літва заняла першае месца ў Еўрасаюзе па захваральнасці на каранавірус і другое - па смяротнасці. Аб гэтым сведчаць даныя Еўрапейскага цэнтра прафілактыкі і кантролю захворванняў, паведамляе партал Delfi.

Адзначаецца, што за апошнія 14 дзён у Літве было выяўлена 645,7 выпадку заражэння COVID-19 на 100 тыс. чалавек. Гэта самы высокі паказчык сярод краін ЕС. Другое месца займае Славенія, дзе зафіксавана 627 выпадкаў заражэння на 100 тыс. чалавек.

Па смяротнасці ад каранавіруса сярод краін ЕС антылідарам з'яўляецца Балгарыя, дзе на 1 млн захварэлых прыпадае 139 смярцей, у Літве гэты паказчык складае 80,5 выпадку.

Раней урад Літвы прыняў рашэнне ўзмацніць каранцінныя абмежаванні. З 1 кастрычніка нашэнне масак у закрытых грамадскіх месцах становіцца абавязковым нават для грамадзян, якія маюць кавід-пашпарты.

Паводле апошніх даных амерыканскага Універсітэта Джонса Хопкінса, агульная колькасць заражаных COVID-19 у Літве перавышае 331,6 тыс. Колькасць смяротных выпадкаў складае больш за 4,9 тыс.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі