13 мая, Мінск /Кар. БЕЛТА/. У Літве 80 кампаній на палавіну дня прыпынілі будаўнічыя работы на аб'ектах дзяржаўнага значэння. Аб гэтым паведамляе Delfi.
Кіраўнік Літоўскай асацыяцыі будаўнікоў Далюс Гедвілас растлумачыў, што такім чынам будаўнікі хочуць звярнуць увагу ўлад на існуючыя праблемы. У забастоўцы не было б неабходнасці, калі б урад прымаў належныя дзеянні для вырашэння праблем у будаўнічым сектары.
Асацыяцыя будаўнікоў неаднаразова звярталася да літоўскіх улад, у прыватнасці да прэм'ер-міністра, з просьбай вырашыць існуючую сітуацыю з ростам цэн на будматэрыялы і сыравіну. Некаторыя матэрыялы, як сцвярджае Далюс Гедвілас, падаражэлі на 200 працэнтаў, драўніна і металы - больш як на 100 працэнтаў.-0-
