20 студзеня, Мінск /Кар. БЕЛТА/. У таўкатні ў час рэлігійнай цырымоніі ў Ліберыі загінулі як мінімум 29 чалавек, у тым ліку 11 дзяцей і цяжарная жанчына, паведамляе агенцтва Associated Press.
Таўкатня пачалася, калі група невядомых, узброеных нажамі, напала на некалькі соцень чалавек, якія прысутнічалі на цырымоніі ў густанаселеным раёне сталіцы Ліберыі Манровіі.
Паводле слоў прадстаўніка паліцыі, аднаго чалавека затрымалі. Прападобны Аўраам Крома, які праводзіў цырымонію, таксама быў дастаўлены для допыту ў сувязі з інцыдэнтам.
Паводле слоў мясцовых жыхароў, апошнія гады вулічныя банды становяцца ўсё больш сур'ёзнай праблемай у Манровіі і іншых гарадах Ліберыі.-0-