7 красавіка, Мінск /Кар. БЕЛТА/. У Латвіі ў сакавіку сярэдняя цана на электраэнергію вырасла на 59,7 працэнта ў параўнанні з лютым. Аб гэтым паведамляе Delfi са спасылкай на аператара сістэмы электразабеспячэння краіны Augstsprieguma Tikls.
Адзначаецца, што сярэдняя цана за мегават/гадзіну склала 167,22 еўра. У параўнанні з сакавіком мінулага года яна павялічылася ў 3,8 раза.
Рост цэн на электраэнергію ў Еўропе ў сакавіку 2022 года быў выкліканы камбінацыяй некалькіх фактараў: больш нізкай выпрацоўкай ветраэлектрастанцый у параўнанні з рэкорднымі максімумамі ў студзені і лютым, ростам цэн на газ і высокімі цэнамі квот на выкіды вуглякіслага газу.-0-
