3 лістапада, Мінск /Кар. БЕЛТА/. На шахце "Байкаімская" ў Бялоўскім раёне Кемераўскай вобласці пасля сігналу аб задымленні 55 чалавек самастойна пакінулі забой, дапамога ратавальнікаў не спатрэбілася. Аб гэтым паведамілі ў ТАСС і пацвердзілі ў Міністэрстве вугальнай прамысловасці Кузбаса.
"Так, шахцёры эвакуіраваны, на ствале ёсць задымленне, прычыны ўстанаўліваюцца", - сказаў афіцыйны прадстаўнік міністэрства.
Шахта "Байкаімская" - адзінае прадпрыемства па падземнай здабычы вугалю ў складзе вугальнай кампаніі "Кузбасразрэзвугаль" (прадпрыемства сыравіннага комплексу УГМК). Шахта ўведзена ў эксплуатацыю ў 2009 годзе з вытворчай магутнасцю 2,5 млн т вугалю ў год.-0-