17 кастрычніка, Мінск /Кар. БЕЛТА/. Трохдзённая жалоба з 18 кастрычніка аб'яўлена ў Крыме пасля ўзрыву ў Керчанскім політэхнічным каледжы, паведамляе ТАСС са спасылкай на кіраўніка Крыма Сяргея Аксёнава.
Паводле яго слоў, для аказання дапамогі пацярпелым прымаюцца ўсе неабходныя меры.
Сяргей Аксёнаў таксама заявіў, што інфармацыя, якая распаўсюджваецца ў сацыяльных сетках, аб стральбе ў Керчы пасля ўзрыву ў каледжы не адпавядае рэчаіснасці.
Узрыў адбыўся сёння днём. Згодна з апошнімі данымі СК РФ, загінулі 13 чалавек, 50 пацярпелі.
На месцы ЧП цяпер працуюць спецыялісты-ўзрыватэхнікі, пасля завяршэння работы якіх следчыя пачнуць агляд месца здарэння непасрэдна ў эпіцэнтры ўзрыву. Сфарміраваны штаб, у які ўвайшлі супрацоўнікі СК, ФСБ і МУС Расіі. Следчыя пачалі допыт сведкаў і відавочцаў, вывучаецца відэа з камер назірання.
Раней першы намеснік кіраўніка Расгвардыі Сяргей Мелікаў заявіў, што ў будынку каледжа спрацавала самаробнае ўзрыўное ўстройства. Паводле інфармацыі СК, устройства было начынена металічнымі прадметамі.
У сувязі з інцыдэнтам у Крыме ўзмоцнены меры бяспекі.-0-