6 жніўня, Мінск /Кар. БЕЛТА/. Амаль 90 населеных пунктаў на поўначы Краснаярскага края задымлена з-за лясных пажараў у Якуціі, паведамляе ТАСС.
"У 87 населеных пунктах Эвенкійскага, Таймырскага, Туруханскага, Кежэмскага, Багучанскага, Паўночна-Енісейскага, Матыгінскага раёнаў і ў Нарыльску зафіксавана задымленасць з-за лясных пажараў у Якуціі. Паводле інфармацыі Краснаярскага тэрытарыяльнага цэнтра медыцыны катастроф, зваротаў ад грамадзян, звязаных з пагаршэннем здароўя з-за задымленасці, не паступала", - гаворыцца ў паведамленні прэс-службы краявога ўрада.
Паводле паведамлення рэгіянальнага ўпраўлення Расспажыўнагляду, па выніках даследаванняў у пятніцу ў Нарыльску і пасёлку Тура, райцэнтры Эвенкіі, перавышэння гранічна дапушчальнай канцэнтрацыі шкодных рэчываў не зарэгістравана.
Раней адміністрацыя Эвенкіі паведамляла, што буйныя населеныя пункты раёна - Тура, Байкіт і Ванавара - ахутаны дымам з-за пажараў у Якуціі. Затрыманы рэйсы авіякампаніі "КрасАвія" ў паўночныя пасёлкі.
Якуція - адзін з самых пажаранебяспечных рэгіёнаў РФ. У рэгіёне дзейнічае рэжым надзвычайнай сітуацыі, з 1 ліпеня жыхарам забаронена наведваць лясы.-0-
