30 жніўня, Пхеньян /БЕЛТА - Рэнхап/. КНДР унесла папраўкі ў Канстытуцыю, якія фармальна ўмацоўваюць паўнамоцтвы Кім Чэн Ына.
У прыватнасці, папраўкі да Канстытуцыі замацоўваюць статус Кім Чэн Ына як вярхоўнага лідара краіны, партыі і ўзброеных сіл КНДР.
Таксама папраўкі ўпаўнаважваюць Кім Чэн Ына абнародаваць заканадаўчыя пастановы, асноўныя ўказы і рашэнні, а таксама назначаць або адклікаць дыпламатычных пасланнікаў у замежных краінах.
Да паправак заканадаўча не пазначалася, хто з'яўляецца кіраўніком дзяржавы, таму што кіраўнік Вярхоўнага народнага сходу выконваў шмат прадстаўніцкіх функцый. Паведамляецца, што канстытуцыйныя папраўкі цяпер кваліфікуюць Кім Чэн Ына як кіраўніка дзяржавы.-0-
