24 сакавіка, Мінск /Кар. БЕЛТА/. Улады Кітая адменяць абмежаванні на ўезд і выезд насельніцтва з правінцыі Хубэй 25 сакавіка. У адміністрацыйным цэнтры правінцыі - горадзе Ухань - абмежаванні будуць зняты 8 красавіка. Аб гэтым гаворыцца ў апублікаванай сёння заяве Дзяржаўнага камітэта па справах аховы здароўя гэтага кітайскага рэгіёна, паведамляе ТАСС.
У адпаведнасці з дакументам гэта рашэнне было прынята на фоне паляпшэння эпідэміялагічнай абстаноўкі ў рэгіёне. Менавіта ва Ухані ў снежні 2019 года былі зафіксаваны першыя выпадкі заражэння новым каранавірусам. Пазней ён распаўсюдзіўся больш як на 190 краін і быў прызнаны Сусветнай арганізацыяй аховы здароўя пандэміяй. Згодна з апошнімі данымі, у свеце заразіліся каля 350 тыс. чалавек, зафіксавана амаль 16 тыс. лятальных канцоў.-0-