11 сакавіка, Мінск /Кар. БЕЛТА/. Колькасць ахвяр новага каранавіруса ў Кітаі за апошнія суткі павялічылася на 22 чалавекі, колькасць тых, хто заразіўся, узрасла на 24, выздаравелі яшчэ 1578 чалавек, паведамляе ТАСС са спасылкай на Дзяржаўны камітэт па пытаннях гігіены і аховы здароўя КНР.
Паводле даных ведамства, колькасць інфіцыраваных у краіне дасягнула 80,7 тыс. чалавек, з іх выздаравелі 61,4 тыс., памерлі 3158. Згодна з абноўленымі данымі, паказчык смяротнасці ад віруса па Кітаі складае 3,9 працэнта замест 3,88 працэнта на дзень раней. Доля тых, хто выздаравеў, за суткі павялічылася з 74,1 працэнта да 76,1 працэнта.
Сітуацыя па краіне стабільная: у пяці з 31 рэгіёна зусім няма захварэўшых, колькасць інфіцыраваных у бальніцах яшчэ 25 правінцый, адміністрацыйных раёнаў і гарадоў цэнтральнага падпарадкавання вагаецца ад аднаго да ста чалавек. У Пекіне налічваецца 101 выпадак заражэння, у мяжуючай з Расіяй правінцыі Хэйлунцзян - 34, на Хайнані засталося ўсяго тры.
У цэнтральнай правінцыі Хубэй, дзе прадаўжаецца ліквідацыя галоўнага ачага, за апошнія суткі памерлі 22 (у астатніх рэгіёнах смяротных выпадкаў не было), заразіліся 13, выздаравелі 1471 чалавек. Нягледзячы на паспяховую барацьбу з пнеўманіяй, там усё яшчэ налічваецца больш за 15,6 тыс. інфіцыраваных. На тэрыторыі большасці з 31 рэгіёна мацерыковай часткі краіны ўжо некалькі дзён цалкам адсутнічаюць новыя выпадкі заражэння. Аднак у Кітаі прадаўжае павялічвацца колькасць інфіцыраваных, якія прыбываюць з-за мяжы: улады зарэгістравалі ўжо 79 такіх выпадкаў, з іх 10 за апошнія суткі.
Паводле апошніх афіцыйных даных, пад наглядам медыкаў у КНР усё яшчэ знаходзяцца звыш 14,6 тыс. жыхароў, якія мелі цесны кантакт з інфіцыраванымі. У краіне таксама налічваецца 285 чалавек з падазрэннем на вірус, яны на каранціне. Паводле даных урачоў, у больш як 4,4 тыс. хворых захворванне праходзіць у цяжкай форме.-0-
