ДЗЯРЖОРГАНЫДЗЯРЖОРГАНЫ
Серада, 3 чэрвеня 2020
Мінск Воблачна з праясненнямі +13°C
Усе навіны
Усе навіны
У свеце
07 красавіка 2020, 09:52

У Кітаі за апошнія суткі ні адзін чалавек не памёр ад каранавіруса

Фота  Getty Images
Фота Getty Images

7 красавіка, Мінск /Кар. БЕЛТА/. Колькасць памерлых у Кітаі ад захворвання, выкліканага новым каранавірусам, за апошнія суткі не павялічылася ні на аднаго чалавека. Колькасць заражаных грамадзян, якія прыбылі з-за мяжы, павялічылася на 32, да 983 чалавек, паведамляе ТАСС са спасылкай на Дзяржаўны камітэт па пытаннях гігіены і аховы здароўя КНР.

Паводле даных камітэта, за ўвесь час распаўсюджвання віруса ў мацерыковай частцы Кітая паправіліся 94,4 працэнта інфіцыраваных, у тым ліку 89 чалавек паправіліся за апошнія суткі. Колькасць заражаных са снежня 2019 года склала больш за 81,7 тыс., афіцыйны паказчык смяротнасці ад захворвання - 4 працэнты (памерлі больш за 3,3 тыс. чалавек). У краіне ўсё яшчэ налічваецца 1242 інфіцыраваныя. Ужо роўна месяц паказчык штодзённага павелічэння колькасці заражаных вагаецца на ўзроўні менш як 100 чалавек, а з 29 сакавіка складае менш як 50, што сведчыць аб стабільным паляпшэнні эпідэміялагічнай сітуацыі.

У КНР амаль адсутнічаюць мясцовыя выпадкі заражэння. Большасць інфіцыраваных прыбываюць з-за мяжы. З 28 сакавіка граніца часова закрыта для замежных грамадзян, таму амаль усе хворыя, якія прыязджаюць у краіну, - кітайскія грамадзяне (за выключэннем замежных грамадзян, у якіх у перыяд двухтыднёвай ізаляцыі пасля прыбыцця быў выяўлены вірус).

Каб не дапусціць другой хвалі захворвання, улады захоўваюць павышаныя меры бяспекі. Па-ранейшаму дзейнічаюць правілы, што рэгламентуюць паводзіны жыхароў у грамадскіх месцах. З 1 красавіка нацыянальная статыстыка ўлічвае носьбітаў віруса без сімптомаў і без выкліканага ім захворвання - іх у Кітаі налічваецца 1033, у тым ліку 30 выпадкаў былі зарэгістраваны за мінулыя суткі.

Сярод рэгіёнаў кантынентальнай часткі КНР першае месца па ліку заражаных, якія знаходзяцца ў медыцынскіх установах, займае правінцыя Хубэй (518 чалавек), на другім месцы - Шанхай (143 інфіцыраваныя), далей Пекін (131 заражаны) і паўднёвая правінцыя Гуандун (129 чалавек). На тэрыторыі сямі з 31 тэрытарыяльнай адзінкі, уключаючы Тыбет, Сіньцзян-Уйгурскі аўтаномны раён і востраў Хайнань, ужо многа дзён заражаных няма зусім. У астатніх правінцыях, гарадах цэнтральнага падпарадкавання і аўтаномных раёнах іх налічваецца ад аднаго да прыкладна 70 чалавек.

Паводле апошніх даных, пад наглядам медыкаў у КНР знаходзяцца больш як 14,4 тыс. чалавек, якія мелі цесны кантакт з інфіцыраванымі. У краіне таксама налічваецца 89 чалавек з падазрэннем на каранавірус, яны знаходзяцца на каранціне. У 211 заражаных захворванне праходзіць у цяжкай форме. У свеце каранавірусам заразіліся амаль 1,3 млн чалавек, зафіксавана амаль 70 тыс. смяротных выпадкаў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі