10 сакавіка, Мінск /Кар. БЕЛТА/. Шматразовая антыбактэрыяльная маска распрацавана ў Інстытуце мікрабіялогіі пры Акадэміі навук Кітая, паведамляе China Daily.
Вучоныя ўпэўнены, што іх распрацоўка дапаможа вырашыць праблему недахопу масак. Двухслаёвая маска змяшчае ў сваім саставе дыаксід тытану і серабро, якія раскладаюць арганічныя рэчывы і стрымліваюць размнажэнне мікраарганізмаў.
Новая маска прайшла лабараторнае тэсціраванне ў Акадэміі ваенных навук Кітая і Заходне-Кітайскай бальніцы пры Сычуаньскім універсітэце. Эксперыменты паказалі, што маска здольна абараніць ад шэрага патагенных бактэрый, а таксама вірусаў птушынага грыпу і грыпу H3N2.
Паводле слоў спецыяліста Інстытута мікрабіялогіі Лян Цзячаа, маска, якую можна выкарыстоўваць на працягу чатырох дзён, калі насіць па 8 гадзін, абароніць ад 95 працэнтаў бактэрый.
Паводле папярэдніх даных, у Кітаі штодзень можа вырабляцца да 15 тыс. шматразовых антыбактэрыяльных масак.-0