6 ліпеня, Кіеў /БЕЛТА - УКРІНФАРМ/. Паступіла паведамленне аб мініраванні будынка Кіеўскага гарадскога Савета з патрабаваннем выкупу ў памеры 0,5 біткоіна (каля $17 215). Аб гэтым паведаміў намеснік гарадскога кіраўніка - сакратар Кіеўскага гарадскога Савета Уладзімір Бандарэнка ў Facebook.
"Паступіла чарговае паведамленне аб мініраванні будынка Кіеўскага гарадскога Савета. Цяпер з патрабаваннем выкупу ў памеры 0,5 біткоіна", - напісаў ён.
Паводле слоў чыноўніка, прынята рашэнне аб частковай эвакуацыі з будынка работнікаў і цывільных асоб. "Упэўнены, што гэта гісторыя зноў выдумана. Аднак жыццё і здароўе людзей застаюцца прыярытэтам", - напісаў Бандарэнка.-0-