17 снежня, Мінск /Кар. БЕЛТА/. У Кіеве масавыя пратэсты прадпрымальнікаў перараслі ў сутыкненні з паліцыяй, быў пашкоджаны паліцэйскі аўтамабіль, дваіх актывістаў затрымалі, паведамляе інтэрнэт-выданне "СТРАНА.иа".
У Кіеве пратэстуючыя выйшлі на вуліцу і перакрылі рух аўтатранспарту. Удзельнікі акцыі хочуць правесці марш па цэнтры сталіцы, але супрацоўнікі паліцыі заблакіравалі іх рух. Мітынгуючыя запальваюць фаеры. Як паведамляецца, паліцыя кантралюе сітуацыю.
Раней, 14 снежня, у цэнтры Кіева праходзіла ўжо акцыя пратэсту прадпрымальнікаў, якія выступаюць супраць пашырэння фіскалізацыі. Тады паміж удзельнікамі і паліцыяй таксама ўзнікла бойка.
Мэта акцыі прадпрымальнікаў - дабіцца, каб законапраект, які прадугледжвае адтэрміноўку на адзін год да 1 студзеня 2023 года пашыранага прымянення рэгістратараў разліковых аперацый плацельшчыкамі адзінага падатку, быў прыняты.-0-
