14 студзеня, Кіеў /БЕЛТА - УКРІНФАРМ/. У Кіеве каля гандлёва-забаўляльнага цэнтра Ocean Plaza адбыўся прарыў цепласеткі, пацярпелі 10 чалавек.
Інцыдэнт здарыўся вечарам 13 студзеня. З-за прарыву трубы цеплатрасы пад асфальт правалілася маршрутнае таксі. Ратавальнікі эвакуіравалі чатырох пасажыраў маршруткі, а таксама трох грамадзян з тралейбуса, што стаяў побач і апынуўся ў паравой завесе.
Фота dsns.gov.ua
Гарачая вада з цепласеткі трапіла таксама ў магазін "Ашан" і ў гандлёва-забаўляльны цэнтр Ocean Plaza, часткова затапіўшы яго.
Паводле даных ГУ ДСНС Украіны ў Кіеве, траім пацярпелым дапамога аказана на месцы, сем знаходзяцца ў бальніцы.-0-
Фота dsns.gov.ua