6 чэрвеня, Нур-Султан /БЕЛТА - КАЗІНФАРМ/. Змяненні ў Канстытуцыю Казахстана на праведзеным 5 чэрвеня рэферэндуме падтрымалі 77,18 працэнта выбаршчыкаў. Такія даныя прывёў кіраўнік ЦВК краіны Нурлан Абдзіраў.
Паводле папярэдніх даных, у рэферэндуме прынялі ўдзел 7 986 293 чалавекі, або 68,06 працэнта ад колькасці грамадзян, якія маюць права голасу. Такім чынам, рэферэндум можна лічыць праведзеным.
За папраўкі ў Асноўны закон краіны прагаласавалі 6 163 863 выбаршчыкі (77,18 працэнта). "Гэта абсалютная большасць у кожным з 17 рэгіёнаў", - паведаміў кіраўнік ЦВК.
Супраць канстытуцыйных паправак прагаласавалі 1 490 475 чалавек (18,66 працэнта).-0-
