ДЗЯРЖОРГАНЫДЗЯРЖОРГАНЫ
Флаг Аўторак, 28 верасня 2021
Мінск Ясна +12°C
Усе навіны
Усе навіны
У свеце
19 ліпеня 2021, 16:59

У Карэліі гараць лясы на плошчы большай за 4 тыс. га

19 ліпеня, Мінск /Кар. БЕЛТА/. У Карэліі зафіксавана 25 лясных пажараў плошчай 4365 га, ужо лакалізавана 14 ачагоў, паведамляе ТАСС.

Паводле даных Мінпрыроды рэспублікі, паказчыкі пажарнай небяспекі, а таксама плошчы ўзгаранняў перасягнулі сярэднія шматгадовыя значэнні ў Суаярвскім, Пражынскім, Калевальскім, Муезерскім, Беламорскім і Сегежскім раёнах. Упершыню ў гісторыі назіранняў у рэспубліцы ўзнікла атмасферная засуха.

Пажарныя з рэгіёнаў Паўночна-Заходняй федэральнай акругі Расіі пачалі прыбываць у Карэлію для дапамогі ў барацьбе з ляснымі пажарамі ў рэспубліцы. У бліжэйшы час у рэгіёне пачнуць працаваць пажарныя з Мурманскай, Архангельскай і Валагодскай абласцей, а таксама спецыялісты Неўскага выратавальнага цэнтра.

З-за небяспекі пераходу агню на населеныя пункты ў Суаярвскім раёне эвакуіравалі жыхароў пасёлка Найсцен'ярві і аднайменнай станцыі, размешчанай побач. Плошча пажару дасягнула 800 га. Яшчэ два вялікія ачагі знаходзяцца ў Сегежскім раёне, агонь тут распаўсюдзіўся на 600 і 70 га ў Валдазерскім і Папоў-Парожскім лясніцтвах. Пажары ў Пражынскім раёне, дзе гарыць каля 1 тыс. га лясоў, на гэты час не нясуць пагрозы населеным пунктам.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі