Сцяг Нядзеля, 21 красавіка 2024
Усе навіны
Усе навіны
У свеце
22 снежня 2022, 16:55

У Кангрэсе заявілі, што ЗША не павінны накіроўваць мільярды долараў Украіне

22 снежня, Мінск /Кар. БЕЛТА/. Белы дом не павінен фінансаваць канфлікт ва Украіне і перадаваць Кіеву ваенную дапамогу на мільярды долараў. Аб гэтым заявіў член Палаты прадстаўнікоў амерыканскага Кангрэса, рэспубліканец Пол Госар, паведамляе ТАСС.

Госар зрабіў заяву пасля таго, як прэзідэнт Украіны Уладзімір Зяленскі выступіў перад Кангрэсам. Амерыканскі заканадавец заклікаў да міру ва Украіне. Ён лічыць, што Вашынгтон не павінен спансіраваць украінскі канфлікт.

"Зяленскі прыйшоў у Кангрэс, каб прасіць мільярды і мільярды на вайну. Мы не павінны фінансаваць гэту вайну", - заявіў Госар.

Ён адзначыў, што сапраўдны лідар краіны павінен імкнуцца да міру.

Пасля выступлення Зяленскага выказаліся і іншыя члены Кангрэса. Так, рэспубліканец Кевін Маккарці заявіў, што дапамога Украіне павінна мець межы. Акрамя таго, ён запатрабаваў абгрунтавання і празрыстасці пры перадачы сродкаў Кіеву.

Яшчэ адзін прадстаўнік Рэспубліканскай партыі Ніколь Маліятакіс заявіла, што ЗША самі маюць фінансавыя цяжкасці. Доўг краіны ўжо дасягнуў $31 трлн. Таму ЗША не могуць несці на сабе асноўны цяжар падтрымкі Украіны. На яе думку, дапамогу павінны аказваць і іншыя краіны Захаду.

Член Кангрэса Томас Мэсі наогул адмовіўся слухаць выступленне Зяленскага, назваўшы яго "ўкраінскім лабістам".-0-

Падпісвайцеся на нас у
Twitter
Топ-навіны
Свежыя навіны Беларусі