ДЗЯРЖОРГАНЫДЗЯРЖОРГАНЫ
Аўторак, 27 кастрычніка 2020
Мінск Суцэльная воблачнасць +10°C
Усе навіны
Усе навіны
У свеце
24 верасня 2020, 11:43

У Канадзе пачалася другая хваля каранавіруса

Джасцін Трудо. Фота Reuters
Джасцін Трудо. Фота Reuters

24 верасня, Мінск /Кар. БЕЛТА/. Канада ўступіла ў другую хвалю пандэміі каранавіруса, заявіў 23 верасня прэм'ер-міністр Джасцін Трудо. Ён папярэдзіў, што краіну чакае значны ўсплёск захваральнасці на COVID-19, калі жыхары не будуць прытрымлівацца рэкамендацый спецыялістаў у галіне аховы здароўя, паведамляе Reuters.

У спецыяльным тэлезвароце, які трансліравалі ўсе нацыянальныя тэлеканалы, Трудо адзначыў, што другая хваля каранавіруса цяпер назіраецца ў чатырох буйных правінцыях Канады: Альберта, Брытанская Калумбія, Антарыа і Квебек. Урад робіць усё магчымае, каб дапамагчы краіне аднавіцца пасля пандэміі. "Сітуацыя восенню можа быць намнога горшая, чым была вясной", - адзначыў пры гэтым канадскі прэм'ер.

Джасцін Трудо заклікаў канадцаў насіць маскі, часцей мыць рукі і захоўваць сацыяльную дыстанцыю, скараціўшы колькасць кантактаў да мінімуму. Акрамя гэтага, паведамляе канадскі тэлеканал навін Global News, прэм'ер заклікаў жыхароў карыстацца дадаткам для апавяшчэння аб COVID-19. З дапамогай яго тыя, хто атрымае дадатны вынік тэста, змогуць папярэджваць аб сваім статусе людзей, якія знаходзяцца паблізу.

Таксама канадскі прэм'ер выказаў меркаванне, што ў гэтым годзе будуць выключаны масавыя святкаванні Дня падзякі 12 кастрычніка. "Цяпер не час для масавых вечарынак, - адзначыў ён. - Але ў нас яшчэ ёсць шанц сабрацца на Каляды".

Апытанне канадскай даследчай кампаніі Abacus Data паказала, што цяпер канадцы больш занепакоены COVID-19, чым у красавіку.

Колькасць новых выпадкаў COVID-19 у Канадзе ў апошнія дні рэзка ўзрасла: у сярэднім за апошні тыдзень штодзень рэгістравалася 1 123 новыя выпадкі, пры гэтым яшчэ ў сярэдзіне жніўня штодзень фіксаваліся каля 380 новых заражаных. "У нас ёсць магчымасць узяць другую хвалю пад кантроль. Я ведаю, што мы можам гэта, паколькі мы ўжо рабілі гэта аднойчы", - заявіў Трудо. Згодна з апошнімі ўрадавымі данымі, агульная колькасць інфіцыраваных COVID-19 у Канадзе дасягнула 147 753 чалавекі, з моманту ўспышкі 9 243 чалавекі памерлі. У краіне з пачатку эпідэміі праведзена звыш 8 млн тэстаў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі