16 чэрвеня, Мінск /Кар. БЕЛТА/. Прынамсі 36 чалавек пацярпелі падчас узрываў, якія адбыліся на тэрыторыі ваеннай базы, размешчанай на ўсходзе Калумбіі. Аб гэтым паведамляе ТАСС са спасылкай на газету El Tiempo.
Паводле яе даных, інцыдэнт здарыўся ў аўторак днём у горадзе Кукута (адміністрацыйны цэнтр усходняга дэпартамента Норте-дэ-Сантандэр). Невядомыя падарвалі дзве машыны з узрыўчаткай на тэрыторыі ваеннай базы. У выніку ўзрываў 36 чалавек атрымалі раненні. Яны былі дастаўлены ў бліжэйшыя бальніцы.
Улады пачалі расследаванне. На месца здарэння выехаў міністр нацыянальнай абароны паўднёваамерыканскай рэспублікі Дыега Малана.-0-