17 чэрвеня, Мінск /Кар. БЕЛТА/. У Івана-Франкоўску восем падлеткаў атруціліся невядомым рэчывам і былі шпіталізаваны. Аб гэтым паведаміла на сваім сайце Дзяржаўная служба Украіны па надзвычайных сітуацыях.
Інцыдэнт здарыўся ў інтэрнаце Івана-Франкоўскага дзяржаўнага каледжа тэхналогій і бізнесу. У выніку атручэння тры чалавекі знаходзяцца ў цяжкім стане, пяць - у стане сярэдняй ступені цяжкасці, пагрозы іх жыццю няма. Як удакладняецца, у будынку інтэрната, а таксама ў чатырох шматпавярховых жылых дамах адчуваўся рэзкі пах невядомага рэчыва.
Аварыйная брыгада Упраўлення газавай гаспадаркі АТ "Івана-Франкоўскгаз" абследавала дамы і прылеглую тэрыторыю, уцечкі прыроднага газу не выяўлена. Спецыялісты зрабілі замеры паветра - небяспечных рэчываў таксама не выяўлена.-0-
