9 лютага, Тэгеран /БЕЛТА - ІРНА/. У Іране сёння стартавала вакцынацыя ад COVID-19 прэпаратам расійскай вытворчасці "Спадарожнік V".
У афіцыйнай цырымоніі, прысвечанай пачатку вакцынацыі, якая прайшла ў бальніцы Імама Хамейні ў Тэгеране, прыняў удзел міністр аховы здароўя Ірана Саід Намакі. Паводле слоў міністра, на першым этапе вакцыну атрымае медыцынскі персанал аддзяленняў інтэнсіўнай тэрапіі. Вакцынацыя будзе ажыццяўляцца бясплатна.
4 лютага ў Тэгеран прыбыў самалёт з першай партыяй вакцыны "Спадарожнік V". У краіне таксама чакаюць партыю з 4,2 млн доз вакцыны AstraZeneca, якая павінна прыбыць у лютым. Акрамя таго, краіна плануе закупляць вакцыну ад каранавіруса ў Кітая і Індыі.-0-
