30 лістапада, Мінск /Кар. БЕЛТА/. На інданезійскім востраве Лембата з-за вывяржэння вулкана Ілі Леваталок былі эвакуіраваны больш за 4,4 тыс. чалавек, паведамляе тэлерадыёкампанія RTЕ.
Слуп лавы і попелу падняўся на вышыню 4 км. У сувязі з вывяржэннем на востраве быў закрыты аэрапорт. Улады рэкамендуюць насіць маскі, акуляры для аховы вачэй і дыхальных шляхоў.
Паведамленняў аб ахвярах не паступала.
Апошняе вялікае вывяржэнне вулкана адбылося ў 2017 годзе. У канцы 2018 года ў праліве паміж астравамі Ява і Суматра адбылося вывяржэнне вулкана, што выклікала цунамі, якое забрала жыцці больш як 400 чалавек. Усяго ў Інданезіі налічваецца каля 130 дзеючых вулканаў.-0-