4 ліпеня, Мінск /Кар. БЕЛТА/. Улады Егіпта закрываюць пляжы з-за двух выпадкаў нападзення акул на людзей, перадае "МІР 24".
Вядома, што першай ахвярай стала 68-гадовая грамадзянка Аўстрыі. Акула адкусіла ёй руку і нагу. Цяжка параненая жанчына памерла па дарозе ў бальніцу ад болевага шоку. Другой ахвярай стала грамадзянка Румыніі.
Цяпер у раёне Сахль-Хашыш да Макадзі-бей забаронена купанне, дайвінг і рыбалка. Улады Егіпта сфарміравалі рабочую групу з удзелам акіянолагаў, каб хутчэй разабрацца ці ў абодвух нападзеннях удзельнічала адна і тая ж акула ці гэта былі розныя рыбы, і прыняць усе неабходныя меры для бяспекі ў вадзе.-0-
