Мабільная версія
ДЗЯРЖОРГАНЫ

Апошнія навіны
ІНФАГРАФІКА: ID-картка беларуса
Учора 15:31 Стужка навiн
Усе навіны

У Грэцыі колькасць памерлых ад ліхаманкі Заходняга Ніла ўзрасла да пяці

У свеце 17.08.2018 | 17:26
Фота Pixabay
Фота Pixabay

17 жніўня, Мінск /Кар. БЕЛТА/. У Грэцыі колькасць памерлых у выніку заражэння вірусам ліхаманкі Заходняга Ніла павялічылася да пяці. Аб гэтым паведамляе партал навін Greek Reporter, спасылаючыся на даныя Нацыянальнага цэнтра па кантролі і прафілактыцы захворванняў (KEELPNO).

Раней паведамлялася аб двух смяротных выпадках захворвання на гэты вірус у грэчаскім рэгіёне Атыка.

Вядома, што ўзрост усіх памерлых перасягаў 70 гадоў.

З пачатку лета ў Грэцыі зафіксавана 77 выпадкаў захворвання на ліхаманку Заходняга Ніла. З іх 17 - за апошні тыдзень. Большасць хворых шпіталізаваны з сімптомамі пашкоджання цэнтральнай нервовай сістэмы.

На гэты час ад ліхаманкі Заходняга Ніла пацярпелі жыхары 33 грэчаскіх муніцыпалітэтаў, уключаючы раёны паблізу Афін, Салонікаў, Халкідыкі, Іматыі, Кілкіса і Пелы на поўначы Грэцыі, Карынфа на Пелапанэсе і Рэтымнан на Крыце.

Паколькі пераносчыкамі віруса з'яўляюцца камары, медыкі рэкамендуюць прымаць меры, каб прадухіліць укусы гэтых насякомых.

Упершыню вірус ліхаманкі Заходняга Ніла быў зафіксаваны ў Грэцыі ў 2010 годзе, тады ад захворвання памерлі 35 чалавек. У 2017 годзе ад ліхаманкі Заходняга Ніла загінулі пяць жыхароў краіны.

Ліхаманка Заходняга Ніла - вострае віруснае захворванне, якое перадаецца з укусамі камароў і кляшчоў. Інкубацыйны перыяд хваробы можа доўжыцца ад некалькіх дзён да двух-трох тыдняў. Захворванне пачынаецца з раптоўнага павышэння тэмпературы цела да 38-40 градусаў, што суправаджаецца дрыжыкамі, зніжэннем апетыту, стомленасцю, галаўным болем, ірвотай.-0-

Версія для друку
Навіны рубрыкі У свеце
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

ID-картка беларуса ID-картка - дакумент, які засведчвае асобу, для карыстання ўнутры краіны. Лічбавы аналаг пашпарта плануецца пачаць выдаваць у 2019 годзе.