ДЗЯРЖОРГАНЫДЗЯРЖОРГАНЫ
Флаг Панядзелак, 27 верасня 2021
Мінск Ясна +13°C
Усе навіны
Усе навіны
У свеце
26 ліпеня 2021, 15:33

У Грэцыі і на Кіпры захваральнасць на COVID-19 дасягнула максімуму

Фота з архіва
Фота з архіва

26 ліпеня, Мінск /Кар. БЕЛТА/. Тэмпы распаўсюджвання каранавіруснай інфекцыі зноў растуць у шэрагу еўрапейскіх краін, сведчаць даныя Сусветнай арганізацыі аховы здароўя (СААЗ), паведамляе ТАСС.

Згодна з яе падлікамі, заснаванымі на звестках нацыянальных ведамстваў, у Грэцыі і на Кіпры захваральнасць выйшла на самы высокі ўзровень з пачатку пандэміі, у Іспаніі і Партугаліі рэгіструюцца максімальныя за апошнія паўгода паказчыкі.

Усяго ў Еўропе за перыяд пандэміі выявілі ўжо больш за 58,74 млн выпадкаў заражэння, памерла больш за 1,2 млн чалавек. Па абодвух паказчыках Еўропа займае другое пасля амерыканскага рэгіёна месца ў свеце.

ТАСС прааналізаваў, як ідуць справы з бягучай захваральнасцю ў еўрапейскіх дзяржавах.

Найбольшы сутачны прырост колькасці заражэнняў - звыш 40 тыс. - рэгіструецца ў Вялікабрытаніі. Апошні раз такія высокія паказчыкі фіксаваліся ў краіне ў канцы сакавіка.

У Іспаніі штодзень ужо заражаюцца каля 25 тыс. чалавек, гэта самы высокі ўзровень з лютага бягучага года.

У Партугаліі захваральнасць выйшла на лютаўскі ўзровень - больш за 4 тыс. выпадкаў заражэння ў дзень.

У Францыі за мінулыя суткі выявілі 16,1 тыс. інфіцыраваных, да гэтага два дні запар паказчык перасягаў адзнаку 21 тыс., што з'яўляецца максімумам з пачатку мая.

У Італіі цяпер рэгіструюць больш за 5 тыс. выпадкаў заражэння за суткі. Месяц таму паказчыкі былі ў 10 разоў ніжэйшыя.

На ўзровень канца мая - пачатак чэрвеня выйшлі тэмпы распаўсюджвання інфекцыі ў Германіі (больш за 2 тыс. выпадкаў заражэння за суткі) і Бельгіі (каля 2 тыс.). Прычым у ФРГ яны выраслі ў пяць разоў у параўнанні з паказчыкамі месячнай даўнасці.

У Нідэрландах, дзе скачок захваральнасці адбыўся раней, чым у іншых краінах, 17 чэрвеня зарэгістравалі звыш 11 тыс. новых выпадкаў заражэння, у пачатку гэтага тыдня паказчыкі знізіліся да 6 тыс. Пры гэтым месяц таму ў краіне выяўлялі каля 600 інфіцыраваных за суткі.

У Грэцыі на мінулым тыдні быў зарэгістраваны самы высокі за ўсю пандэмію сутачны паказчык - больш за 4,3 тыс. выпадкаў заражэння. На ўзровень максімальных значэнняў - звыш 1 тыс. інфіцыраваных за суткі - выйшла захваральнасць і на Кіпры.

На Мальце, дзе месяц таму выяўлялі менш за 10 заражаных за суткі, цяпер ужо каля 170-200.

У Харватыі захваральнасць з 70 выпадкаў за суткі ў канцы чэрвеня вырасла да 170-190 у канцы ліпеня. У Чарнагорыі за гэты ж перыяд яна паднялася з 10 да 65. Пры гэтым у Чарнагорыі на кожныя 100 тыс. жыхароў прыпадае 16,1 тыс. інфіцыраваных, што з'яўляецца адным з самых высокіх паказчыкаў у свеце. У Харватыі гэты паказчык удвая ніжэйшы.

Адносна стабільнай застаецца эпідэмічная сітуацыя ў Балгарыі: за суткі там рэгіструюць 120-140 інфіцыраваных, месяц таму - 70-80.

У Турцыі захваральнасць перасягнула ўзровень 9,5 тыс. выпадкаў заражэння за суткі - гэта самы высокі паказчык з 20 мая. Месяц таму яна трымалася на ўзроўні 5,6-5,7 тыс.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі