12 красавіка, Мінск /Кар. БЕЛТА/. Нямецкая партыя правых папулістаў "Альтэрнатыва для Германіі" 11 красавіка прадставіла праграму, у якой галоўным пунктам стала патрабаванне вывесці Германію са складу ЕС. З гэтай праграмай партыя пойдзе на выбары ў Бундэстаг, якія адбудуцца ў верасні бягучага года. Аб гэтым паведамляе Deutsche Welle.
"Мы лічым неабходным выхад Германіі са складу ЕС і заснаванне новага еўрапейскага супольніцтва на аснове адзіных інтарэсаў і адзінай эканомікі", - гаворыцца ў праграме партыі "Альтэрнатыва для Германіі".
Таксама партыя мае намер забараніць перасяленне ў Германію любых сваякоў прынятых у краіне бежанцаў. Акрамя таго "Альтэрнатыва для Германіі" лічыць неабходным аднаўленне агароджы на граніцы краіны і вяртанне кантролю дакументаў пры яе перасячэнні.-0-