4 сакавіка, Мінск /Кар. БЕЛТА/. Не менш за 23 чалавекі, у тым ліку дзеці, пацярпелі ў ДТЗ з удзелам аўтобуса і грузавога аўтамабіля ў Тройсдарфе (зямля Паўночны Рэйн-Вестфалія, Германія), паведамляе General-Anzeiger Bonn.
У аўтобусе было 35 пасажыраў, 28 з іх - школьнікі. Яны ехалі на экскурсію ў суправаджэнні двух педагогаў. Таксама ў грамадскім транспарце ехалі тры дарослыя пасажыры з двума дзецьмі.
У бальніцу дастаўлены 23 пацярпелыя, сярод іх - вадзіцелі аўтобуса і грузавіка. Стан двух пацыентаў урачы ацэньваюць як сярэдняй ступені цяжкасці, астатніх - лёгкай ступені.
Прычыны ДТЗ высвятляюцца.-0-
