ДЗЯРЖОРГАНЫДЗЯРЖОРГАНЫ
Флаг Субота, 8 мая 2021
Мінск Суцэльная воблачнасць +8°C
Усе навіны
Усе навіны
У свеце
23 сакавіка 2021, 09:45

У Германіі прадоўжаны каранцін да 18 красавіка

23 сакавіка, Мінск /Кар. БЕЛТА/. Канцлер ФРГ Ангела Меркель і ўлады федэральных зямель дамовіліся аб прадаўжэнні рэжыму каранціну да 18 красавіка. Чаканых паслабленняў на каталіцкі Вялікдзень, які выпадае на пачатак наступнага месяца, не будзе. Аб гэтым канцлер аб'явіла журналістам па выніках перагавораў, якія пачаліся ў панядзелак і завяршыліся ў ноч на аўторак, паведамляе ТАСС.

"Мутацыі каранавіруса застаюцца сур'ёзнай пагрозай", - сказала Ангела Меркель. Статыстыка дэманструе экспаненцыяльны рост, удакладніла яна. Кіраўнік урада сказала, што так званы брытанскі штам, які з'яўляецца больш заразным, уяўляе сабой, "па сутнасці, новы вірус". У гэтых умовах уводзіць паслабленні нельга, дадала старшыня ўрада.

З 1 па 5 красавіка, калі католікі адзначаюць Вялікдзень, будзе дзейнічаць прынцып скарачэння кантактаў, будуць выхадныя. Такім чынам, абмежаванні выхаднога дня будуць дзейнічаць не толькі ў Вялікую пятніцу, Велікодную нядзелю і Велікодны панядзелак, але і яшчэ два дадатковыя дні - 1 і 3 красавіка. Сустракацца можна максімум з двума знаёмымі з іншай дамашняй гаспадаркі, дзеці да 14 гадоў не ўлічваюцца.

Акрамя таго, улады заклікаюць па магчымасці адмовіцца ад наведвання богаслужэнняў, а таксама просяць праводзіць велікодныя службы ў анлайн-рэжыме.

Цяпер у ФРГ дзейнічае каранцін, але не такі строгі, як зімой: адкрыты школы і дзіцячыя сады, цырульні, касметычныя салоны, кветкавыя і кніжныя магазіны. Прырост колькасці захварэлых скарачаўся ў студзені і лютым, але з сакавіка паказчыкі зноў пачалі павялічвацца па экспаненце.

Планавалася, што з 22 сакавіка змогуць аднавіць работу вулічныя тэрасы рэстаранаў, кінатэатраў і тэатры, але гэтыя планы пакуль адкладваюцца.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі