ДЗЯРЖОРГАНЫДЗЯРЖОРГАНЫ
Флаг Субота, 16 кастрычніка 2021
Мінск Ясна +11°C
Усе навіны
Усе навіны
У свеце
02 верасня 2021, 11:35

У Германіі пачалася пяцідзённая забастоўка машыністаў

Фота picture alliance
Фота picture alliance

2 верасня, Мінск /Кар. БЕЛТА/. Машыністы пасажырскіх паяздоў нацыянальнай чыгункі Германіі аб'явілі пяцідзённую забастоўку. З-за гэтага рух паяздоў далёкіх маршрутаў у краіне скароціцца на 75 працэнтаў, піша Deutsche Welle.

Нямецкі прафсаюз машыністаў GDL пачаў у ноч з 1 на 2 верасня чарговую забастоўку, якая стала ўжо трэцяй з пачатку жніўня. Гэта стачка стане самай доўгай у апошняй серыі забастовак і будзе прадаўжацца больш за пяць сутак. Яна, як і папярэднія, павінна істотна абмежаваць пасажырскія чыгуначныя перавозкі ў краіне. У сферы грузавых перавозак баставаць пачалі ў сярэдзіне дня 1 верасня.

У той жа час чыгуначны канцэрн Deutsche Bahn лічыць, што здольны падчас цяперашняга спынення работы машыністаў захаваць каля 25 працэнтаў рэйсаў далёкіх маршрутаў і 40 працэнтаў рэйсаў прыгарадных паяздоў і гарадскіх электрычак.

У пачатку чэрвеня GDL аб'явіў аб правале перагавораў аб паляпшэнні ўмоў працы, якія доўжыліся некалькі месяцаў. Deutsche Bahn, што пацярпеў ад крызісу з-за каранавіруса і ад паводкі, прапаноўваў GDL павышэнне заработнай платы ў два этапы: на 1,5 працэнта з 1 студзеня 2022 года і на 1,7 працэнта з 1 сакавіка 2023-га. Аднак прафсаюз палічыў гэтыя ўмовы недастатковымі.

Deutsche Bahn агучыў прафсаюзу новыя прапановы, спадзеючыся прадухіліць стачку: паступовае павышэнне зарплаты на 3,2 працэнта і аднаразовую выплату "карона-прэмій" у памеры да 600 еўра. Аднак прафсаюз адхіліў гэту прапанову і аб'явіў аб пачатку забастоўкі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі