4 сакавіка, Мінск /Кар. БЕЛТА/. Тры лыжнікі з Італіі загінулі пры сыходжанні лавіны ў Сванеціі (Грузія). Аб гэтым паведамляе грузінскае інфармацыйнае агенцтва Black Sea Press.
Паводле папярэдніх даных, сыходжанне лавіны выклікала група італьянскіх турыстаў, якая каталася ў забароненай зоне на гары Тэтнульдзі. Пад лавіну трапілі шэсць чалавек, трох з-пад снежнага завалу дасталі ратавальнікі: двое з іх не пацярпелі, у аднаго турыста адзначаюцца шматлікія пераломы. Яшчэ тры чалавекі загінулі.
Кампанія развіцця горных курортаў (падраздзяленне Міністэрства эканомікі і ўстойлівага развіцця Грузіі) заклікала грамадзян у час катання не перасякаць забаронную зону, падпарадкоўвацца патрабаванням адміністрацыі курорта і выконваць знакі на маркіраваных лыжных трасах.-0-