29 снежня, Мінск /Кар. БЕЛТА/. У Францыі ў 2022 годзе выклік хуткай дапамогі стане платным для тых, каму не патрэбна шпіталізацыя, паведамляе Sputnik France.
Аплата пачне спаганяцца з 1 студзеня. Выклік карэты хуткай дапамогі дадому абыдзецца ў памеры 19,61 еўра і не будзе пакрывацца страхоўкамі.
Такія меры павінны павялічыць даходы бальніц. Аднак медыкі апасаюцца, што з увядзеннем платы за выклік хуткай, канфліктных сітуацый з пацыентамі можа стаць больш, а на ўрачоў, акрамя медыцынскіх пытанняў у разгар пандэміі, лягуць яшчэ і фінансавыя клопаты.
Увядзенне платы за выклік хуткай дапамогі ўжо раскрытыкаваў шэраг французскіх палітыкаў, а карыстальнікі сацсетак назвалі такую меру "крахам сістэмы аховы здароўя" ў Францыі.-0-
