1 лістапада, Мінск /Кар. БЕЛТА/. Невядомы мужчына адкрыў стральбу ў бары Марсэля (Францыя), 6 чалавек атрымалі раненні, паведамляе французскі тэлеканал BFM.
Інцыдэнт адбыўся вечарам 31 кастрычніка. Паводле слоў відавочцаў, мужчына пад'ехаў да бара на матацыкле, зайшоў ва ўстанову і пачаў страляць. Злачынец збег да прыезду паліцыі. Яго матывы невядомы.
Паводле апошніх даных, адзін з пацярпелых знаходзіцца ў цяжкім стане.
Паліцыя вядзе пошукі стралка.-0-