11 кастрычніка, Мінск /Кар. БЕЛТА/. Кошт усіх экспартна-імпартных абмежаванняў з боку Еўрапейскага саюза пасля прыняцця новага, восьмага па ліку, пакета антырасійскіх санкцый ацэньваецца прыкладна ў памеры 123 млрд еўра. Аб гэтым паведамляе РБК са спасылкай на даныя Еўракамісіі.
Адзначаецца, што гэта сума перасягае 40 працэнтаў усяго абароту тавараў і паслуг паміж ЕС і РФ у 2021 годзе.
Нагадаем, восьмым пакетам санкцый супраць Расійскай Федэрацыі прадугледжваецца ўвод дадатковых абмежаванняў на імпарт расійскіх тавараў у ЕС на суму 7 млрд еўра, а таксама на экспарт некаторых еўрапейскіх тавараў у РФ, у тым ліку электронных мікрасхем. Акрамя таго, новымі санкцыямі забараняецца аказанне кліентам з Расіі архітэктурных, інжынерных, юрыдычных паслуг і некаторых паслуг у IT-сферы. У восьмы пакет санкцый таксама ўваходзіць забарона на транспарціроўку расійскай нафты морам па цане, якая перасягае ўстаноўлены ліміт.-0-
