31 жніўня, Мінск /Кар. БЕЛТА/. Краіны - члены ЕС не дасягнулі згоды па ўвядзенні забароны на выдачу шэнгенскіх віз грамадзянам Расійскай Федэрацыі. Аб гэтым заявіў кіраўнік МЗС Венгрыі Петэр Сіярта, паведамляе РІА Навіны.
Паводле слоў Сіярта, многія еўрапейскія краіны не падтрымалі гэту ініцыятыву.
Раней кіраўнік еўрапейскай дыпламатыі Жазэп Барэль заявіў, што сярод краін ЕС няма адзінства ў пытанні ўвядзення забароны на выдачу віз расіянам. Сам Барэль заявіў, што выступае супраць такіх абмежаванняў, паколькі разрыў адносін з грамадзянамі РФ быў бы памылкай.
Увядзенне забароны на выдачу шэнгенскіх віз расіянам актыўна падтрымлівалі краіны Прыбалтыкі. Між тым Францыя і ФРГ выступалі супраць.-0-
