24 красавіка, Мінск /Кар. БЕЛТА/. У Егіпце амаль 89 працэнтаў выбаршчыкаў адобрылі змяненні ў Канстытуцыю на рэферэндуме, які праходзіў 20-22 красавіка, паведамляе Reuters.
Паводле даных выбарчай камісіі, яўка на рэферэндуме склала 44,33 працэнта. На карысць унясення паправак у Канстытуцыю выказаліся 88,83 працэнта выбаршчыкаў, 11,17 працэнта выступілі супраць.
Адобраныя змяненні ў Асноўны Закон прадугледжваюць падаўжэнне тэрміну прэзідэнцкіх паўнамоцтваў з 4 гадоў да 6, стварэнне Сената, аднаўленне пасады віцэ-прэзідэнта, увядзенне квоты для жанчын-дэпутатаў - іх павінна быць не менш за 25 працэнтаў.
Папраўкі таксама дадуць права прэзідэнту Егіпта Абдэль Фатаху ас-Сісі назначаць галоўных суддзяў і дзяржаўнага абвінаваўцу, пашыраюць паўнамоцтвы ваенных.-0-
