20 снежня, Мінск /Кар. БЕЛТА/. У егіпецкай Александрыі на беразе Міжземнага мора ў выніку цыклону выпаў снег, паведамляе газета "Аль-Ахрам".
Слупок тэрмометра ў начны час у Каіры і на Міжземнаморскім узбярэжжы краіны апусціўся да адзнакі плюс 7 градусаў, а ў цэнтры Сінайскага паўвострава тэмпература не паднімалася вышэй за мінус 2 градусы. Назіралася пагаршэнне бачнасці і ўзмацненне ветру, што ўскладніла рух аўтамабіляў.
19 снежня на Егіпет абрушыўся магутны цыклон, які прынёс на поўнач краіны дажджы, а ў цэнтральную частку - пясчаныя буры. З-за магутнага цыклону прыпынена работа партоў, адменены заняткі ў школе. Паведамляецца, што парты ў Чырвоным і Міжземным моры не прымаюць судны з-за высокіх хваль, якія дасягаюць вышыні 5 м.-0-
