26 жніўня, Мінск /Кар. БЕЛТА/. Як мінімум 150 чалавек забіты за апошні тыдзень на захадзе Эфіопіі баевікамі з сепаратысцкай групоўкі "Армія вызвалення Оромо", паведамляе ТАСС са спасылкай на агенцтва Reuters.
Паводле слоў камісіі па правах чалавека Эфіопіі, узброеная група сепаратыстаў напала на жыхароў раёна Джыда Кірэму ў заходняй частцы штата Аромія.
Групоўка "Армія вызвалення Оромо", якая ўяўляе сабой ваеннае крыло "Фронту вызвалення Оромо", часта дзейнічае самастойна. Сабе за мэту яна ставіла дасягненне незалежнасці эфіопіскім штатам Аромія. Федэральныя ўлады аб'явілі "Армію вызвалення Оромо" тэрарыстычнай арганізацыяй. Лідары групоўкі паведамілі 11 жніўня, што заключылі пагадненне з Народным фронтам вызвалення Тыграя (НФВТ) у мэтах звергнуць урад Эфіопіі.-0-
