20 лістапада, Мінск /Кар. БЕЛТА/. Прэзідэнт Дамініканскай Рэспублікі Луіс Абінадэр аб'явіў трохдзённую жалобу з 20 па 22 лістапада па ўсёй краіне па загінулых з-за наступстваў ліўняў, што прайшлі ў гэтыя выхадныя, паведамляе ТАСС.
На працягу трох дзён па ўсёй краіне на ваенных аб'ектах і грамадскіх установах будуць прыспушчаны нацыянальныя сцягі.
Паводле афіцыйнай статыстыкі, з-за праліўных дажджоў і выкліканых імі паводак на тэрыторыі краіны загінуў 21 чалавек. Амаль 8 тыс. чалавек эвакуіраваны. З-за з'яў надвор'я парушаны транспартныя зносіны з 29 населеным пунктам. Перабоі з электразабеспячэннем закранулі больш як трэць карыстальнікаў. Часова абмежаваны доступ да пітной вады для 1,8 млн жыхароў Дамініканы.
Прадстаўнікі камунальнай сферы працуюць над расчысткай і аднаўленнем інфраструктуры.-0-
