6 снежня, Мінск /Кар. БЕЛТА/. У Дамініканскай Рэспубліцы пры ўзрыве ў будынку фабрыкі, якая вырабляе прадукцыю з пластыку, загінулі як мінімум чатыры чалавекі, дзясяткі атрымалі раненні. Аб гэтым паведамляе газета "Дыярыа лібрэ".
Паводле папярэдняй версіі, узрыў здарыўся з-за ўцечкі газу. Моцна пацярпеў будынак. Ратавальнікі вядуць работы па разборы завалаў.
Цяпер удакладняецца колькасць людзей, якія маглі знаходзіцца ў момант інцыдэнту на фабрыцы. Аб астатніх падрабязнасцях здарэння не паведамляецца.-0-
