Сцяг Серада, 21 лютага 2024
Усе навіны
Усе навіны
У свеце
24 лютага 2023, 12:15

У Берліне рыхтуецца маштабная акцыя пратэсту супраць адпраўкі Украіне зброі

24 лютага, Мінск /Кар. БЕЛТА/. Маштабная акцыя пратэсту супраць адпраўкі Украіне зброі плануецца ў Берліне 25 лютага, паведамляе газета Daily Mail.

Ініцыятарамі акцыі выступілі дэпутат Бундэстага член Левай партыі Германіі Сара Вагенкнехт і журналіст Аліса Шварцэр. Раней яны прадставілі петыцыю "Маніфест за мір", у якой крытыкуецца падыход урада Германіі да канфлікту ва Украіне. У петыцыі падкрэсліваецца, што, замест таго каб пасылаць Кіеву больш зброі, Германія павінна настойваць на мірных перагаворах і ўрэгуляванні канфлікту.

Адзначаецца, што петыцыю падпісалі ўжо больш за паўмільёна нямецкіх грамадзян.

Паводле слоў галоўнага рэдактара нямецкага тэлеканала WDR, які праводзіць апытанні грамадскай думкі, Элен Эн, колькасць людзей, якія лічаць рашэнне канцлагера ФРГ Олафа Шольфа аб адпраўцы танкаў ва Украіну памылкай, пачало расці. Так, цяпер іх доля дасягнула 39 працэнтаў.

Паводле слоў былога епіскапа Гановера Марго Кесман, цяпер у Германіі ідуць "агрэсіўныя дэбаты" аб тым, ці трэба краіне пастаўляць усё больш і больш зброі ў рэгіён канфлікту.

У мінулыя выхадныя такая акцыя адбылася ў Мюнхене на фоне Мюнхенскай канферэнцыі па бяспецы. Тысячы пратэстуючых сабраліся ў нямецкім горадзе, каб выступіць супраць прапановы паставак Кіеву ўзбраенняў.-0-

Падпісвайцеся на нас у
Twitter
Топ-навіны
Свежыя навіны Беларусі