24 чэрвеня, Мінск /Кар. БЕЛТА/. Пяць чалавек загінулі і больш за 100 пацярпелі пасля таго, як пасажырскі поезд сышоў з рэек на мосце ў вобласці Маулвібазар ва ўсходняй частцы Бангладэш, паведамляе мясцовая газета .
Як інфармуе выданне, ЧП здарылася ў нядзелю ў 23.50 па мясцовым часе. Адзін з вагонаў поезда кампаніі Upaban Express, што накіроўваўся з Сілхет у Даку, сышоў з рэек на мосце і ўпаў у роў. Два іншыя вагоны ўпалі недалёка ад берагоў канала, яшчэ некалькі вагонаў сышлі з рэек, але не сарваліся з моста.
На месца аварыі прыбылі 13 пажарных машын і 5 машын хуткай дапамогі. Пацярпелых шпіталізавалі, целы загінулых дасталі з канала. Колькасць ахвяр можа ўзрасці.
Прычыны інцыдэнту ўстанаўліваюцца.-0-
