12 мая, Мінск /Кар. БЕЛТА/. Пяць чалавек сталі ахвярамі пажару, што ўзнік у аддзяленні рэанімацыі ў бальніцы Святога Георгія ў Санкт-Пецярбургу, паведамляе ТАСС са спасылкай на экстранныя службы.
"Пры пажары загінулі пяць пацыентаў, падключаных да ШВЛ", - расказала крыніца інфармагенцтва.
Пажар лакалізаваны. Яго плошча склала 10 кв.м, удакладнілі ў прэс-службе МНС Расіі. Тут пацвердзілі, што ёсць загінулыя, але не ўдакладнілі іх колькасць.
Магчымай прычынай пажару магло стаць кароткае замыканне апарата штучнай вентыляцыі лёгкіх. Прычыны высвятляюцца.
З сярэдзіны сакавіка бальніца Святога Георгія адна з першых у Санкт-Пецярбургу поўнасцю перапрафілявана ў інфекцыйны стацыянар. Увесь яе медперсанал займаецца аказаннем экстраннай медыцынскай дапамогі толькі хворым з вострымі рэспіраторнымі віруснымі інфекцыямі і пнеўманіямі, прычынай якіх з'яўляецца ў тым ліку новая каранавірусная інфекцыя.-0-