ДЗЯРЖОРГАНЫДЗЯРЖОРГАНЫ
Чацвер, 6 жніўня 2020
Мінск Ясна +19°C
Усе навіны
Усе навіны
У свеце
10 ліпеня 2020, 15:59

У Аргенціне прайшлі акцыі супраць абмежаванняў з-за COVID-19

Фота  AFP
Фота AFP

10 ліпеня, Мінск /Кар. БЕЛТА/. У Дзень Незалежнасці Аргенціны 9 ліпеня на акцыі пратэсту выйшлі сотні мітынгуючых супраць каранцінных мер, уведзеных з-за пандэміі каранавіруса, паведамляе газета Buenos Aires Times.

Пратэстуючыя крытыкавалі дзеянні ўлад у час пандэміі. Яны патрабавалі зняць уведзеныя 20 сакавіка каранцінныя абмежаванні і прыняць дадатковыя меры падтрымкі насельніцтва ва ўмовах крызісу. "Мы не можам перастаць працаваць. Здароўе мае значэнне, але эканоміка таксама - мы не можам мець адно без другога. Дзяржава павінна клапаціцца пра нас, а не паралізаваць", - выкрыквалі дэманстранты.

Самая масавая акцыя пратэсту прайшла ў сталіцы Буэнас-Айрэсе. Дэманстранты сабраліся каля аднаго з галоўных сімвалаў горада - абеліска каля прэзідэнцкага палаца. Выступленні супраць каранцінных абмежаванняў прайшлі таксама ў многіх гарадах краіны.

У сваім звароце да народа з нагоды Дня Незалежнасці прэзідэнт Аргенціны Альберта Фернандэс падкрэсліў, што ўведзены 112 дзён таму каранцін выратаваў многія жыцці. Прычынай эканамічнага спаду, у тым ліку вялікай колькасці скарачэнняў рабочых месцаў, стала пандэмія, а не блакіроўка.

Як паведамляе ТАСС, акцыі пратэсту прайшлі ў цэлым спакойна, але на маніфестацыі ў Буэнас-Айрэсе некалькі дэманстрантаў напалі на журналістаў. Назіраліся таксама невялікія сутычкі паміж тымі, хто сабраўся.

3 сакавіка ўлады Аргенціны пацвердзілі першы ў краіне выпадак інфіцыравання каранавірусам. З 20 сакавіка быў уведзены агульны каранцін. 4 чэрвеня прэзідэнт Альберта Фернандэс паведаміў аб адмене рэжыму абавязковай сацыяльнай ізаляцыі ў большасці рэгіёнаў. Каранцінныя меры пачалі паўторна ўводзіць у краіне з 1 ліпеня. У сталіцы і правінцыі Буэнас-Айрэс строгі каранцін прадоўжаны да 17 ліпеня.

Паводле даных на 10 ліпеня, у Аргенціне зарэгістравана больш за 90 тыс. выпадкаў каранавіруснай інфекцыі, памерлі больш як 1,7 тыс. чалавек, выздаравелі больш як 38 тыс. заражаных.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі