26 красавіка, Мінск /Кар. БЕЛТА/. Колькасць заражаных каранавірусам у краінах Афрыкі склала 4 506 471, павялічыўшыся за апошнія трое сутак на 30 910. Аб гэтым паведамляе ТАСС са спасылкай на рэгіянальнае прадстаўніцтва Сусветнай арганізацыі аховы здароўя.
Колькасць смяротных зыходаў сярод хворых на каранавірус у рэгіёне за апошнія 72 гадзіны павялічылася на 854 да 120 122. Выздаравелі больш за 4 млн чалавек.
Больш за ўсё інфіцыраваных і памерлых зафіксавана ў ПАР - 1 575 471 і 54 148 адпаведна. У Егіпце выяўлена 13 049 смяротных зыходаў, адзначана 222 523 выпадкі заражэння. У Марока з-за COVID-19 памерла 8992 чалавекі.
У размешчаных на поўдзень ад Сахары краінах па колькасці заражаных і памерлых за ПАР ідуць Эфіопія (252 279 і 3551 адпаведна), Нігерыя (164 719 і 2062) і Кенія (156 787 і 2622).-0-