25 лістапада, Мінск /Кар. БЕЛТА/. Вярхоўны камісар ААН па правах чалавека Фолькер Цюрк заявіў аб вялікай верагоднасці сапраўднасці відэазапісу з расстрэлам расійскіх ваеннапалонных УСУ, паведамляе ТАСС.
Фолькер Цюрк адзначыў, што такое заключэнне зрабіла маніторынгавая місія ААН у галіне правоў чалавека ва Украіне па выніках папярэдняга аналізу.
Ён таксама заклікаў правесці дэталёвае судова-медыцынскае расследаванне здарэння і прыцягнуць да адказнасці вінаватых.
Вярхоўны камісар таксама звярнуў увагу на тое, што патрабаванне гуманнага абыходжання з палоннымі ўстаноўлена Жэнеўскімі канвенцыямі.
Раней Следчы камітэт Расійскай Федэрацыі ўзбудзіў крымінальную справу па факце масавага расстрэлу расійскіх ваеннапалонных, які праводзіўся прадстаўнікамі УСУ. Адзначалася, што асновай для ўзбуджэння справы паслужылі відэакадры, на якіх УСУ расстралялі больш за 10 бяззбройных расійскіх ваеннапалонных.-0-
