13 верасня, Мінск /Кар. БЕЛТА/. У Турцыі сутыкнуліся турыстычны і студэнцкі аўтобусы. У выніку адзін чалавек загінуў і як мінімум 30 паранены, паведамляе інфармацыйнае агенцтва Demirören News Agency.
Інцыдэнт здарыўся на трасе Мугла - Дэнізлі каля 7.30 па мясцовым часе. Паведамляецца, што ў вадзіцеля турыстычнага аўтобуса здарыўся сардэчны прыступ, ён памёр.
На месца здарэння прыбылі брыгады хуткай дапамогі, паліцыя і пажарныя. Пацярпелых даставілі ў бліжэйшыя бальніцы, стан трох чалавек ацэньваецца як цяжкі.
На гэты час інцыдэнт расследуюць.-0-