ДЗЯРЖОРГАНЫДЗЯРЖОРГАНЫ
Аўторак, 19 студзеня 2021
Мінск Пераменная воблачнасць -20°C
Усе навіны
Усе навіны
У свеце
26 лістапада 2020, 11:23

Цырымонію развітання з Марадонам змогуць наведаць да 1 млн чалавек

Фота La Nacion
Фота La Nacion

26 лістапада, Мінск /Кар. БЕЛТА/. Цырымонію развітання з легендарным футбалістам Дыегам Марадонам змогуць наведаць да мільёна чалавек, паведамляе газета La Nacion.

Жалобная цырымонія пройдзе 26 лістапада ў афіцыйнай рэзідэнцыі прэзідэнта Аргенціны, размешчанай у цэнтры Буэнас-Айрэса. Цырымонія будзе доўжыцца з раніцы да 16 гадзін па мясцовым часе. Улады прапрацоўваюць арганізацыю жалобнага мерапрыемства з улікам пандэміі каранавіруса.

Былы ігрок і трэнер зборнай Аргенціны па футболе Дыега Марадона памёр на 61-м годзе жыцця. Яго паклалі ў бальніцу ў горадзе Ла-Плата 2 лістапада. Як заявіў яго ўрач Леапольда Луке, шпіталізацыя не была тэрміновай, аргенцінец сам захацеў прайсці медыцынскі агляд, у час якога была выяўлена наяўнасць субдуральнай гематомы. На наступны дзень Дыега Марадону перавезлі ў іншую бальніцу, дзе яму была паспяхова праведзена аперацыя, аднак выпіска была адкладзена з-за з'яўлення абстынентнага сіндрому. 12 лістапада яго выпісалі з бальніцы. 25 лістапада ў яго спынілася сэрца.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі